سندويشة مربّى وجبنة بـ 15 #دولار،

سندويشة «#مربّى وجبنة» ولّعت السوشيال ميديا… والمعلّقين: الله يرحمِك يا #ستّي لو شايفتينا!
مطعم بيروتي معروف قرر يعملنا سندويشة مربّى وجبنة بـ 15 #دولار، 
وكأنو الجبنة #معتّقة بباريس و#المربّى معمولة بتوت نازل من #الهيمالايا.
والقصة ما وقّفت هون، لأنو قبلها كان في منيو أسطوري: بطاطا مسلوقة، بيض، و#بندورة جبلية… أكلات كنا نفلّ من المدرسة كرمالها، صارت فجأة تجربة «غاسترونومية» بدها فيزا وباسبور.
السوشيال ميديا طبعًا ما قصّرت: ضحك، نكد، ترحّم عالستي، وسؤال واحد عم يدوّر:
السندويشة معها #منديل ولا هيدا إكسترا؟